Wednesday, July 11, 2007

Rubaru


subah savere jab aankhein kholta hoon tho aaeene mei khud ko dekhta hoon aur phir dikhta hai un aankho mei ek sannata,ek samandar par dher saare sapne....nikal padta hoon agle hee ghante is khubsurat se dikhne wale duniya mei apne astitwa ki talaash mei,,,gali se lekar mohalle tak phir sadak se lekar chauraahe tak aate aate bahut badal sa jaata hoon...subah jo akela tha ,ab log ushe pahchante hain,adab se uska abhiwaadan karte hain,badh kar kuch puch lete hain,koi aakar koi kaam kah jaata hai,aur koi aakar sneh ke do shabd bhi ....kabhi kabhi mobile ki ghanti bhi baj jaati hai aur din apne shabaab par hota hai...bahut logon se milna hota hai ,,,kya karein pesha hee aisa hai...ek taraf daftar mei behtarein peshewar aur kaamyaab log tho wahin dusri taraf mere pyare aur honhaar vidyarthi ...kahin mai chota hota hoon tho kahin bahut chota tho kahin bada aur bahut bada bhi...par in sabke beech hota wahi hoon jo apne aaeene mei dekha tha subah savere! din ka shabaab utarta hai aur thakaan chadne lagti hai ...phir bhi bahut kaam bach jaata hai roz...dus baje fursat mili...ghar jaa raha hoon,sadkein suni hain,,wo chahal pahal gaayab hai ,wo shor ,wo bhid bhi suraj ke sath sath chath gaya hai....aa gaya ghar...vajpayee sahab (Punya prashun vajpayee,news padhte hain na 10 baje aajtak pe) ko aaj bhi na sun paaya ishi mallaal ke sath unhe sms bhejta hoon...kabhi kabhi wo phone bhi kar lete hain..accha lagta hai...aur phir kuch kitabon mei khud ke hone ka maayana dhundta hua na jaane kab so jaata hoon...haan itna yaad hai aaeena dikha tha sone se pahle aakhri baar jahan mai bilkul akela tha...ab tho uski yaad bhi na aati! haan neend acchi aati hai....alarm subah jaga dega waqt par..insaan ko waqt pe jaag jaana chahiye! haan mai jaga hoon....aj bus itna hee..